ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

លោក ឯម ច័ន្ទមករា ៖ ការមានជំនាញ និងទំនុកចិត្តក្នុងការចូលរួមក្នុងប្រព័ន្ធបែបឌីជីថល គឺមានសារៈសំខាន់សម្រាប់ជនមានពិការភាព

  • ចុះផ្សាយថ្ងៃទី២៦ ខែសីហា ឆ្នាំ២០២១ ម៉ោង ១៥:១៤ នាទី ដោយ Lundy
  • 730
  Aa |   aA

ភ្នំពេញ: លោក ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជននិងយុវនីតិសម្បទា និងជាអគ្គលេខាធិការនៃក្រុមប្រឹក្សាសកម្មភាពជនពិការ បានលើកឡើងថា ការមានជំនាញ និងទំនុកចិត្តក្នុងការចូលរួមក្នុងប្រព័ន្ធបែបឌីជីថល គឺមានសារៈសំខាន់ណាស់សម្រាប់ជនមានពិការភាព ជាពិសេសស្ត្រីមានពិការភាព។ លោក ឯម ច័ន្ទមករា បន្តសូមបន្តលើកទឹកចិត្តសង្គមស៊ីវិល ដៃគូរអភិវឌ្ឍ ក្រុមជួយខ្លួនឯង បណ្តាអង្គការមិនមែនរដ្ឋាភិបាលជាតិ និងអន្តរជាតិទាំងអស់គ្នាបន្តធ្វើកិច្ចសហប្រតិបត្តិការឱ្យកាន់ទេល្អបន្ថែមទៀត ប្រកបដោយឥរិយាបថស្ថាបនា ពិភាក្សាស្វែងរកដំណោះស្រាយលើបញ្ហាប្រឈមទាំងឡាយ ដើម្បីវឌ្ឍនភាពនិងចីរភាពនៃវិស័យពិការភាព ពិសេសការបង្កើនការយកចិត្តទុកដាក់ដល់ជនមានពិការភាពលើប្រព័ន្ធឌីជីថល និងការបង្កើតការងារសមរម្យ ប្រកបដោយគុណភាព ជូនជនមានពិការភាព។

ការលើកឡើងនេះបានធ្វើឡើងក្នុងវេទិកាស្ដីពី «សារៈសំខាន់នៃជំនាញឌីជីថលសម្រាប់ជនមានពិការភាព និងការចែកវិញ្ញាបនប័ត្របញ្ចប់វគ្គបណ្តុះបណ្តាលឌីជីថល ដល់សិក្ខាកាមតាមប្រព័ន្ធអនឡាញ» ដែលរៀបចំឡើងនាថ្ងៃទី២៦ ខែសីហា ឆ្នាំ២០២១។

ជាមួយគ្នានោះ លោក ឯម ច័ន្ទមករា បានសម្តែងនូវការកោតសរសើរ និងថ្លែងអំណរគុណចំពោះម្ចាស់ជំនួយ នៃទីភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិ ហៅកាត់ថា USAID ដើម្បីបង្កើតគម្រោងអក្ខរកម្មឌីជីថលសម្រាប់ជនដែលមានពិការភាព។

ឆ្លើតក្នុងឱកាសនេះរដ្ឋលេខាធិការក្រសួងសង្គមកិច្ចវ័យក្មេងរូបនេះ បានបន្ថែមឲ្យដឹងថាក្នុងបរិការនេះ សម្តេចតេជោនាយករដ្ឋមន្ត្រី បាននឹងកំពុងយកចិត្តទុកដោយដាក់ចេញនូវផែនការយុទ្ធសាស្ត្រ ក្នុងការផ្តល់ការចាក់វ៉ាក់សាំង ដល់ប្រជាពលរដ្ឋកម្ពុជាជិតបានសម្រេចតាមផែនការជាស្ថាពរ និងបានប្ដេជ្ញាចិត្តសម្រេចឱ្យបាននូវគោលដៅ ចាក់វ៉ាក់សាំងជូនកុមារ យុវវ័យ អាយុចាប់ពី១២ឆ្នាំដល់ ក្រោម១៨ឆ្នាំ ឱ្យបានមុនដំណាច់ឆ្នាំ២០២១នេះ ដើម្បីបង្កើតភាពសាំ កាត់បន្ថយការចម្លង ចូលក្នុងសហគមន៍ ធ្វើឱ្យប្រជាជនយើងមានជីវភាពប្រក្រតីឡើងវិញ ដើម្បីស្ដារសេដ្ឋកិច្ចគ្រួសារ និងសង្គមជាតិ។

ដោយឡែកជនមានពិការភាពនៅស្ទើរទូទាំងប្រទេស ក៏បានទទួលការចាក់វ៉ាក់សាំងតាមរយៈការសម្របសម្រួលរបស់ក្រុមការងារសកម្មភាពជនពិការតាមបណ្តាក្រសួងស្ថាប័ន និងក្រុមប្រឹក្សាសកម្មភាពជនពិការនៅថ្នាក់រាជធានីខេត្ត។ រាជរដ្ឋាភិបាលកម្ពុជា បានដាក់ចេញនូវកម្មវិធីឧបត្ថម្ភសាច់ប្រាក់ជូនគ្រួសារក្រីក្រនិងងាយរងគ្រោះក្នុងអំឡុងពេលប្រយុទ្ធប្រឆាំងជំងឺកូវីដ-១៩ ក្នុងនោះបងប្អូនជនមានពិការភាពក៏ទទួលបានការឧបត្ថម្ភសាច់ប្រាក់នេះផងដែរ។

លោកអគ្គលេខាធិការនៃក្រុមប្រឹក្សាសកម្មភាពជនពិការរូបនេះ ក៏បានអំពាវនាវបងប្អូនជនមានពិការភាពនៅទូទាំងប្រទេស សូមបន្តអនុវត្តតាមការណែនាំរបស់រាជរដ្ឋាភិបាល របស់ក្រសួងសុខាភិបាល និងអាជ្ញាធរគ្រប់ជាន់ថ្នាក់ឱ្យបានម៉ត់ចត់អំពីវិធានការនានា ក្នុងការប្រយុទ្ធទប់ស្កាត់ជំងឺកូវីដ-១៩ ដោយចូលរួមចាក់វ៉ាក់សាំងការពារជំងឺនេះ និងបន្តអនុវត្តវិធានការ ៣កុំ ៣ការពារ ដើម្បីឱ្យយើងអាចឆ្លងផុតកាលៈទេសៈដ៏លំបាកនេះបានឆាប់ដើម្បីឈានទៅរកប្រក្រតីភាពឡើងវិញតាមគន្លងថ្មីនៃជីវភាពសង្គម ផលិតកម្ម មុខរបរ និងការងាររបស់ប្រជាជន អាស្រ័យដោយមានការចូលរួមដ៏សកម្មរបស់ប្រជាជនគ្រប់រូប យើងពិតជានឹងយកឈ្នះបានក្នុងសមរភូមិប្រយុទ្ធនឹងជំងឺកូវីដ-១៩នេះ៕


ព័ត៌មានជាច្រើនទៀតសម្រាប់អ្នក